Polymer banknote, ilulunsad na sa April 2022

𝐁𝐚𝐠𝐨𝐧𝐠 𝐝𝐢𝐬𝐞𝐧𝐲𝐨 𝐧𝐠 𝐏𝟏,𝟎𝟎𝟎 𝐛𝐢𝐥𝐥, 𝐩𝐢𝐧𝐚𝐤𝐢𝐭𝐚 𝐧𝐚 𝐬𝐚 𝐩𝐮𝐛𝐥𝐢𝐤𝐨 𝐧𝐠 𝐁𝐚𝐧𝐠𝐤𝐨 𝐒𝐞𝐧𝐭𝐫𝐚𝐥 𝐧𝐠 𝐏𝐢𝐥𝐢𝐩𝐢𝐧𝐚𝐬

Pinahintulutan ng National Historic Institute (NHI) ang bagong disenyong likha ng Bangko Sentral ng Pilipinas (BSP) sa bagong ilalabas na 1,000 peso bill kung saan papalitan ng Philippine Eagle at iba pang mga likas yaman na matatagpuan sa bansa ang mga bayaning sina Vicente Lim, Josefa Llanes, at Jose Abad Santos.

Matatandaang inanunsyo kamakailan ni Bangko Sentral ng Pilipinas (BSP) Governor Benjamin Diokno na maglalabas nga sila ng polymer 1,000-piso banknote sa darating na taon, sa buwan ng Abril.

Dagdag pa niya, ang issuance ng mga ito ay aprobado na rin ng Monetary Board at maging ang Office of the President.

Ayon sa BSP, ang P1,000 banknote ay gawa sa polymer at sinasabing environmentally friendly, hygienic,at cost-effective kumpara sa dating materyales na ginagamit sa bansa tulad ng abaca o bulak.

Ang nasabing polymer bills ay ginagamit na rin sa Australia, Canada at United Kingdom na may kamahalan nga lang ang pag-imprenta, ngunit matagal naman umanong masira.