'Golden Peacock Award of Excellence' hawak na ni Yorme

'𝐆𝐨𝐥𝐝𝐞𝐧 𝐏𝐞𝐚𝐜𝐨𝐜𝐤 𝐀𝐰𝐚𝐫𝐝 𝐨𝐟 𝐄𝐱𝐜𝐞𝐥𝐥𝐞𝐧𝐜𝐞', 𝐢𝐠𝐢𝐧𝐚𝐰𝐚𝐝 𝐤𝐚𝐲 𝐌𝐚𝐧𝐢𝐥𝐚 𝐌𝐚𝐲𝐨𝐫 𝐈𝐬𝐤𝐨 𝐌𝐨𝐫𝐞𝐧𝐨

Ginawaran ng Federation of Indian Chambers of Commerce Inc., Philippines' (FICCI-PH) ng pinakamataas nitong parangal na "Golden Peacock Award of Excellence" si Manila Mayor Isko Moreno.

Pormal na iginawad ang parangal kahapon, ika-24 ng Nobyembre sa Office of the Mayor, sa munisipyo ng Manila.

Ang FICCI ay binubuo ng mga pribadong negosyante sa India mula pa noong 1927. Layunin ng samahan na mapanatili ang magandang ugnayan sa negosyo ng Pilipinas at India.

Ang Golden Peacock Awards naman ay tinuturing na isang mahusay na pamantayan ng 'global excellence' sa mundo.

Taon-taon tumatanggap ito ng higit sa 1,000 nominasyong pararangalan na may iba't-iba namang kategorya at pagpapasiyahan matapos ang tatlong antas ng pagsusuri.